Ispaniya terma jamoasi bosh murabbiyi Luis de la Fuente Lamin Yamal va Arda Gyulerni solishtirdi.
Bugun "Barselona" va "Real Madrid"ning yosh yulduzlari terma jamoa miqyosida bir-biriga qarshi o‘ynashlari mumkin - Turkiya JCH-2026 saralashi doirasida o‘z uyida Ispaniyani qabul qiladi.
Jurnalistlar “qizil furiya” murabbiyidan futbolchilarni solishtirishni so‘rashdi. "Yamal va Gyuler? Menimcha, ikkalasi ham fantastik futbolchilar. Ularning ikkalasi ham juda zo‘r, ammo har birining o‘ziga xos kuchli tomonlari bor", - deb javob berdi de la Fuente o‘yinoldi matbuot anjumanida.













