Futzal bo‘yicha “Dinamo” — “Surxon” jamoalari o‘rtasidagi uchrashuvdan so‘ng samarqandliklar bosh murabbiyi Dilshod Haydarqulov o‘yin haqidagi o‘z fikrlarini bildirdi.
“Bugungi o‘yin haqida gapiradigan bo‘lsam, bahs davomida shogirdlarim Samarqandda tayyorgarlik ko‘rgan ishlanmalarimizni ko‘rsatib berishdi. Bu uchrashuvdan yuz foiz qoniqdim.
“Qizilqum”ga qarshi o‘yinda qilgan xatolardan xulosa chiqarib, bugungi o‘yinga yaxshiroq tayyorgarlik ko‘rdik. Ruhiy tomonlama biroz muammo bor edi. Bugun buni bartaraf etishga urindik. Natija esa o‘zini oqladi va g‘alaba qozondik”, - dedi Haydarqulov.













