Yozda "Chelsi"dan "Manchester Siti"ga ko‘chib o‘tgan darvozabon Markus Bettinelli Kobxemda qo‘shnilari bilan nizoga aralashib qoldi.

32 yoshli darvozabon tegishli ruxsatnoma olmasdan o‘ziga tegishli hovli hududida 2 million funtga avtoturargoh qurgan.

Tuman aholisi yangi avtoturargoh turar-joy majmuasining qiyofasini buzayotganini va boshqa mulkdorlar uchun xavfli holatni keltirib chiqarayotganini aytib, yer qazish ishlaridan norozi bo‘lishdi. Ularning so‘zlariga ko‘ra, Bettinelli uchastkasi allaqachon yetarlicha avtoturargohga ega bo‘lgan.

Futbolchining o‘zi o‘z huquqlari doirasida harakat qilganini ta’kidlamoqda, chunki qurilish uning mulki chegarasida olib borilgan. Mojaro darvozabon o‘z qarorgohi yonidagi 12 metrlik daraxtlarni kesib tashlaganidan bir necha hafta o‘tib boshlangan.

Bettinelli shu yozda faoliyatini yakunlagan sobiq futbolchi Skott Karsonning o‘rnini egallab, "Siti"ning uchinchi darvozaboniga aylandi. Kelayotgan yakshanba kuni Pep Gvardiola jamoasi Premyer-ligada Manchester derbisida "Manchester Yunayted"ga qarshi bahs olib boradi.