“Bavariya” markaziy himoyachi Dayo Upamekano bilan shartnomani uzaytirish borasida yangi muzokaralarni rejalashtirgan, deya xabar beradi Bild.
Fransiyalik 26 yoshli futbolchining klub bilan amaldagi shartnomasi 2026 yilning yoziga qadar mo‘ljallangan. Tomonlar yaqin orada yangi kelishuvni uzaytirish borasida muzokaraga kirishadi.
“Bavariya” uchun muammo Upamekanoning yuqori maoshi va shartnomaga sotib olish bandini kiritish talabi bo‘lib qolmoqda. Ayni vaqtda myunxenliklar uchun markaziy himoyachi bilan bitimni uzaytirish ustuvor vazifalardan biri hisoblanadi.
