Portugaliya terma jamoasi, "Barselona" va Madridning "Real" klubi sobiq futbolchisi Luish Figu "qaymoqranglilar"ni qaysi futbolchi kuchaytirishi mumkinligini aytdi.

Portugaliyalikning fikricha, Kataloniya jamoasi yarim himoyachisi Pedri poytaxt jamoasi uchun katta kuchaytiruv bo‘lishi mumkin. "Qirollik klubi" xavbeki Federiko Valverde esa "ko‘k-anorranglilar" safini munosib to‘ldiradi, deb hisoblamoqda Figu.

Pedri "Las-Palmas" klubi tarbiyalanuvchisi hisoblanadi, u 2020 yilda "Barselona" tarkibiga o‘tgan. Bu vaqt ichida futbolchi kataloniyaliklar safida 205 ta o‘yinda maydonga tushib, 27 ta gol urdi va 21 ta golli uzatmani amalga oshirdi. Futbolchining transfer narxi 140 mln yevroga baholanmoqda.