Португалия терма жамоаси, "Барселона" ва Мадриднинг "Реал" клуби собиқ футболчиси Луиш Фигу "қаймоқранглилар"ни қайси футболчи кучайтириши мумкинлигини айтди.
Португалияликнинг фикрича, Каталония жамоаси ярим ҳимоячиси Педри пойтахт жамоаси учун катта кучайтирув бўлиши мумкин. "Қироллик клуби" хавбеки Федерико Вальверде эса "кўк-анорранглилар" сафини муносиб тўлдиради, деб ҳисобламоқда Фигу.
Педри "Лас-Пальмас" клуби тарбияланувчиси ҳисобланади, у 2020 йилда "Барселона" таркибига ўтган. Бу вақт ичида футболчи каталонияликлар сафида 205 та ўйинда майдонга тушиб, 27 та гол урди ва 21 та голли узатмани амалга оширди. Футболчининг трансфер нархи 140 млн еврога баҳоланмоқда.
