"Komo" yarim himoyachisi Nikolas Pasning "Real"ga qaytish ehtimoli oshib bormoqda. Argentinalik futbolchi o‘zini Sesk Fabregas jamoasida yorqin namoyon etmoqda va allaqachon A Seriyaning eng yaxshi yosh o‘yinchilaridan biri darajasiga ko‘tarilgan. Jurnalist Fabrisio Romanoning ma’lum qilishicha, "qirollik klubi" o‘z tarbiyalanuvchisini kelasi yilning yozida ortga qaytarishni rejalashtirmoqda. Kelishuv qimmatga tushmaydi, chunki "qaymoqranglilar"da futbolchini birinchi navbatda qayta sotib olish huquqi bor.
8 sentyabr kuni Nikolas Pas 21 yoshni qarshi oldi. "Transfermarkt" portali talqiniga ko‘ra, yangi yulduzning transfer narxi 35 mln yevroni tashkil qilmoqda.
