"Комо" ярим ҳимоячиси Николас Паснинг "Реал"га қайтиш эҳтимоли ошиб бормоқда. Аргентиналик футболчи ўзини Сеск Фабрегас жамоасида ёрқин намоён этмоқда ва аллақачон А Сериянинг энг яхши ёш ўйинчиларидан бири даражасига кўтарилган. Журналист Фабрицио Романонинг маълум қилишича, "қироллик клуби" ўз тарбияланувчисини келаси йилнинг ёзида ортга қайтаришни режалаштирмоқда. Келишув қимматга тушмайди, чунки "қаймоқранглилар"да футболчини биринчи навбатда қайта сотиб олиш ҳуқуқи бор.
8 сентябрь куни Николас Пас 21 ёшни қарши олди. "Transfermarkt" портали талқинига кўра, янги юлдузнинг трансфер нархи 35 млн еврони ташкил қилмоқда.
