Ravshan Haydarov boshqaruvidagi O‘zbekiston U23 terma jamoasi U23 Osiyo kubogi yo‘llanmasini qo‘lga kiritdi.
Bishkek mezbonlik qilgan "E" saralash guruhida Qirg‘iziston va O‘zbekiston terma jamoalari 7 ochko bilan 1 va 2-o‘rinni qo‘lga kiritishdi (O‘zbekiston bugun 3-tur doirasida Falastin ustidan qiyin g‘alabaga erishgan bo‘lsa, Qirg‘iziston Shri-Lanka 6:0 hisobida mag‘lub etdi).
Qirg‘iziston guruh g‘olibi sifatida qit’a chempionatiga chiqqan bo‘lsa, O‘zbekiston ikkinchi o‘rinni egallaganlar orasida eng yaxshi ko‘rsatkichga ega 4 ta jamoadan biri bo‘ldi.
U23 Osiyo kubogi musobaqasi 2026 yil 7-25 yanvar kunlari Saudiya Arabistonida o‘tkaziladi.
