Janubiy Amerikada 2026 yilgi Jahon chempionati saralash bosqichi yakunlandi. So‘nggi turda bir qator qiziqarli va sensasion natijalar qayd etildi.

Ekvador — Argentina 1:0
Gollar: Valensiya (45+13’, penalti).

Ekvador terma jamoasi o‘z maydonida JCH-2022 chempioni Argentinani mag‘lub etdi. Uchrashuvdagi yagona golni Enner Valensiya birinchi bo‘limning qo‘shimcha daqiqalarida penaltidan urdi. Argentina 31-daqiqada Nikolas Otamendi maydondan chiqib ketdi, 50-daqiqada esa ekvadorlik Moyses Kaysedo ikkinchi sariq kartochka olib jamoasini kam qildirdi. Lionel Messi bu o‘yinda ishtirok etmadi. Argentina saralashda birinchi o‘rinni egalladi, Ekvador esa ikkinchi bo‘lib mundialga yo‘l oldi.

Chili — Urugvay 0:0
Sant’yagoda bo‘lib o‘tgan bellashuv g‘olib aniqlamadi. Hisob 0:0 bilan yakunlandi. Chililik Loyola va urugvaylik darvozabon Mele sariq kartochka bilan ogohlantirildi. Urugvay 28 ochko to‘plab 4-o‘rinni egallab JCH-2026 uchun yo‘llanma oldi. Chili esa saralashda so‘nggi — 10-o‘rinni egalladi.

Venesuela — Kolumbiya 3:6
Gollar: Segoviya (3’), Mina (10’), Martines (12’), Suares (42’, 50’, 59’, 67’), Rondon (76’), Kordoba (78’).

Turning gollarga boy o‘yini Maturin shahrida o‘tdi. Venesuela va Kolumbiya terma jamoalari 9 ta gol urishdi. Mehmonlar safida Luis Suares poker qayd etdi, Kordoba ham bir gol urdi. Venesuelaliklar tarkibida Segoviya, Martines va Rondon gol muallifi bo‘ldi. Yakunda Kolumbiya 6:3 hisobida ishonchli g‘alabaga erishdi.

Boliviya — Braziliya 1:0
Gollar: Terseros (45+4’, penalti).

Saralashning asosiy sensasiyasi Boliviyadan keldi. Maydon egalari jahon grandi Braziliya ustidan minimal hisobda zafar quchdi. Yagona golni Migel Terseros birinchi bo‘limda penaltidan urdi. Bu natija orqali Boliviya 7-o‘ringa ko‘tarilib, qit’alararo pley-off yo‘llanmasini qo‘lga kiritdi. Braziliya esa saralashda 5-o‘rin bilan mundialga chiqdi.

Peru - Paragvay - 0:1
Gol: Galarsa (78)
Paragvay safarda Peruni 1:0 hisobida mag‘lub etdi. Yagona golni 78-daqiqada Matias Galarsa urdi.

18 o‘yinda 28 ochko jamg‘argan Paragvay saralashni 6-o‘rinda yakunladi va jahon chempionati–2026ga to‘g‘ridan-to‘g‘ri yo‘llanmani qo‘lga kiritdi.