Turk jurnalisti Serjan Dikmening aytishicha, "Fenerbaxche"ning yangi bosh murabbiyi Domeniko Tedesko natija keltirishi uchun bosim ostida qoladi.

"Fenerbaxche qiyin ahvolda va zudlik bilan chempionlikni qo‘lga kiritmoqchi. Mavsum allaqachon boshlangan, transfer oynasi esa deyarli tugaydi. Bu har qanday yangi murabbiy uchun qiyin jarayon", - dedi Dikme.

Eslatib o‘tamiz, Tedesko bir necha kun avval "Fenerbaxche" bosh murabbiyiga aylangandi. Joze Mourinyo avvalroq Istanbul klubini tark etgandi. "Fenerbaxche" so‘nggi to‘rt mavsumda Turkiya chempionatida ikkinchi o‘rinni egalladi va oxirgi uch marta klub "Galatasaroy"ga chempionlik poygasida oldinga chiqishga imkon berdi.