«Real» hujumchisi Kilian Mbappe 2024 yilda Stokgolmda paydo bo‘lgan zo‘rlash ayblovlari haqida fikr bildirdi.

«Men umuman aloqador emasdim. Bu qadar jiddiy mavzu haqida hamma go‘yo go‘shtga tashlangan kabi yopishib olganini ko‘rish juda qayg‘uli edi. Bu holat, afsuski, juda ko‘p ayollar bilan sodir bo‘ladi, shunga qaramay, ayrimlar uni sarlavha va maqolalar uchun ishlatdi. Hech kim ehtimoliy jabrlanuvchi bilan nima bo‘lishi haqida o‘ylamadi. Keyin hamma mening hech qanday aloqam yo‘qligini tushunganda, nima sodir bo‘ldi? U e’tibordan chetda qoldi, uning qayerda ekani noma’lum, hech kimni qiziqtirmadi. Bu nozik mavzu va menga juda g‘amgin tuyuldi.

Men bundan chiqib ketishimni bilardim, chunki aloqador emasdim. Polisiya hech qachon menga qo‘ng‘iroq qilmadi, ismim hech qayerda tilga olinmadi. Boshidanoq hammasi yaxshi bo‘lishini anglardim, ammo bu oson emas. Ayniqsa, yaqinlaring uchun va yanada ko‘proq — ayollar uchun. Sen xohlasang ham, xohlamasag ham yo‘q, bu haqda gapirganda suhbatdoshing ko‘zidan: «Balki 1% bo‘lsa ham, u biror narsa qilganmiding?» degan fikrni his qilasan. Bu meni ranjitdi. Lekin mening bu ishga hech qanday aloqam yo‘q… Bu ayollarning tabiiy reaksiyasi, chunki ularning ko‘pchiligi shunga o‘xshash holatdan o‘tadi», — deya Mbappening so‘zlarini Footmercato nashri L’Équipe’ga tayanib yozdi.

Eslatib o‘tamiz, Shvesiya prokuraturasi Mbappega nisbatan zo‘rlashda gumon qilinishi bo‘yicha ishni yetarli dalillar yo‘qligi sababli yopgan edi.