«Реал» ҳужумчиси Килиан Мбаппе 2024 йилда Стокгольмда пайдо бўлган зўрлаш айбловлари ҳақида фикр билдирди.

«Мен умуман алоқадор эмасдим. Бу қадар жиддий мавзу ҳақида ҳамма гўё гўштга ташланган каби ёпишиб олганини кўриш жуда қайғули эди. Бу ҳолат, афсуски, жуда кўп аёллар билан содир бўлади, шунга қарамай, айримлар уни сарлавҳа ва мақолалар учун ишлатди. Ҳеч ким эҳтимолий жабрланувчи билан нима бўлиши ҳақида ўйламади. Кейин ҳамма менинг ҳеч қандай алоқам йўқлигини тушунганда, нима содир бўлди? У эътибордан четда қолди, унинг қаерда экани номаълум, ҳеч кимни қизиқтирмади. Бу нозик мавзу ва менга жуда ғамгин туюлди.

Мен бундан чиқиб кетишимни билардим, чунки алоқадор эмасдим. Полиция ҳеч қачон менга қўнғироқ қилмади, исмим ҳеч қаерда тилга олинмади. Бошиданоқ ҳаммаси яхши бўлишини англардим, аммо бу осон эмас. Айниқса, яқинларинг учун ва янада кўпроқ — аёллар учун. Сен хоҳласанг ҳам, хоҳламасаг ҳам йўқ, бу ҳақда гапирганда суҳбатдошинг кўзидан: «Балки 1% бўлса ҳам, у бирор нарса қилганмидинг?» деган фикрни ҳис қиласан. Бу мени ранжитди. Лекин менинг бу ишга ҳеч қандай алоқам йўқ… Бу аёлларнинг табиий реакцияси, чунки уларнинг кўпчилиги шунга ўхшаш ҳолатдан ўтади», — дея Мбаппенинг сўзларини Footmercato нашри L’Équipe’га таяниб ёзди.

Эслатиб ўтамиз, Швеция прокуратураси Мбаппега нисбатан зўрлашда гумон қилиниши бўйича ишни етарли далиллар йўқлиги сабабли ёпган эди.