"Yuventus" hujumchisi Arkadiush Milik yanvar oyiga qadar klubda qolishga qaror qildi, shundan so‘ng u ijara asosida ketishi mumkin.

Hujumchiga Turkiyaning ikki klubi qiziqish bildirayotgandi, biroq ulardan biri uchun Milik juda katta maosh talab qilayotgandi, ikkinchisi esa hoziroq o‘yinlarda ishtirok etishga tayyor bo‘lgan hujumchini qo‘lga kiritmoqchi edi. Shuningdek, polshalikka Rossiyadan ham qiziqish bor edi, ammo u faoliyatini davom ettirishning bunday variantiga qiziqmadi.

Eslatib o‘tamiz, Milik o‘tgan yilning iyun oyida chap tizzasidan jarohat olib, butun o‘tgan mavsumni, shuningdek, Yevro-2024ni o‘tkazib yuborgandi.

Shunga qaramay, 2025 yilning bahorida "Yuventus" hujumchini qo‘llab-quvvatladi va u bilan shartnomani 2027 yilning yozigacha uzaytirdi.