"Ювентус" ҳужумчиси Аркадиуш Милик январь ойига қадар клубда қолишга қарор қилди, шундан сўнг у ижара асосида кетиши мумкин.

Ҳужумчига Туркиянинг икки клуби қизиқиш билдираётганди, бироқ улардан бири учун Милик жуда катта маош талаб қилаётганди, иккинчиси эса ҳозироқ ўйинларда иштирок этишга тайёр бўлган ҳужумчини қўлга киритмоқчи эди. Шунингдек, польшаликка Россиядан ҳам қизиқиш бор эди, аммо у фаолиятини давом эттиришнинг бундай вариантига қизиқмади.

Эслатиб ўтамиз, Милик ўтган йилнинг июнь ойида чап тиззасидан жароҳат олиб, бутун ўтган мавсумни, шунингдек, Евро-2024ни ўтказиб юборганди.

Шунга қарамай, 2025 йилнинг баҳорида "Ювентус" ҳужумчини қўллаб-қувватлади ва у билан шартномани 2027 йилнинг ёзигача узайтирди.