"PSJ" bosh murabbiyi Luis Enrikening ahvoli haqida ma’lumot paydo bo‘ldi.
Bir necha kun avval ispaniyalik mutaxassis velosipeddan yiqilib, o‘mrov suyagini sindirib olgani ma’lum bo‘lgandi.
PSG Report nashrining ta’kidlashicha, 55 yoshli Enrike operasiyadan muvaffaqiyatli o‘tgan va allaqachon tiklana boshlagan. Qayd etilishicha, murabbiyning salomatligi ancha yaxshilangan.
O‘tkazilgan 3 turdan so‘ng "PSJ" 9 ochko bilan Fransiya chempionati turnir jadvalida peshqadamlik qilmoqda.
Dam olish kunlari Luis Enrike shogirdlari o‘z maydonida "Lans"ni qabul qiladi. O‘yin 14 sentyabr kuni bo‘lib o‘tadi.













