O‘zbekiston Superligasining 21-turidan o‘rin olgan bahsda "Navbahor" o‘z maydonida Termizning "Surxon" jamoasini qabul qiladi.
Mazkur klublar shu kungacha milliy chempionatlarimiz tarixida o‘zaro 37-marta ro‘baro‘ kelishgan. Ushbu o‘yinlarning 25 tasida "lochinlar"ning qo‘li baland kelgan (bitta o‘yinda "Navbahor"ga texnik g‘alaba yozilgan), 7 tasida termizliklar g‘alaba qozonishgan bo‘lsa, 5 ta bahsda esa jamoalar murosa ko‘chasini tanlashgan. To‘plar nisbati – 87-27, "Navbahor" foydasiga.
O‘zaro uchrashuvlarda "Navbahor" 80 ochko, "Surxon" esa 26 ochkoni qo‘lga kiritgan.
Ushbu jamoalar o‘rtasidagi o‘yinlardagi eng yirik - 9:0 hisobi 1997-yili Namanganda qayd etilgan. Ta’kidlash joizki, namanganliklar o‘tkazilgan 37 ta bahsning 12 tasida termizliklar ustidan yirik hisobda zafar quchishgan.
"Navbahor" hamda "Surxon" klublari bungacha Namanganda 18-marta kuch sinashishgan (2019-yilgi bahs ma’lum sabablarga ko‘ra, Farg‘onada o‘tkazilgan va ushbu o‘yin ham "Navbahor" nominal mezbon bo‘lganligi bois, inobatga olindi).
1992-yili termizliklar Namanganga tashrif buyurishmagani bois, "Navbahor"ga 3:0 hisobidagi texnik g‘alaba yozilgan bo‘lsa, qolgan 15 ta bahsda "lochinlar" g‘alaba qozonishgan (Farg‘onadagi o‘yinda ham), faqat bitta bellashuvda, o‘tgan yilgi mavsumda 2:2 hisobidagi jangovar durang qayd etilgan.
Fakt: "Surxon" hali Namanganda g‘alaba qozona olmagan.
"Lochinlar" o‘z maydonida o‘tkazilgan o‘zaro uchrashuvlarda "uchar tulporlar" darvozasini 57-marta ishg‘ol etishgan bo‘lsa, termizliklar Namanganda "Navbahor" darvozasiga bor-yo‘g‘i 6 ta to‘p kiritishgan.
Barcha uchrashuvlar natijalari:
28.03.1992 "Surxon" – "Navbahor" – 1:1
29.10.1992 "Navbahor" – "Surxon" – +:-
13.04.1994 ASK – "Navbahor" – 2:3
13.11.1994 "Navbahor" - ASK – 2:1
11.06.1995 "Navbahor" - ASK – 4:0
19.08.1995 ASK – "Navbahor" – 2:5
26.06.1996 "Navbahor" - ASK – 4:1
29.08.1996 ASK – "Navbahor" – 1:4
13.04.1997 "Navbahor" – "Surxon" – 9:0
04.10.1997 "Surxon" – "Navbahor" – 1:0
18.04.1998 "Navbahor" – "Surxon" – 5:0
08.10.1998 "Surxon" – "Navbahor" – 3:1
06.06.1999 "Navbahor" – "Surxon" – 1:0
14.08.1999 "Surxon" – "Navbahor" – 1:0
19.04.2000 "Surxon" – "Navbahor" – 3:3
30.09.2000 " Navbahor" – "Surxon" – 5:0
23.06.2001 "Surxon" – "Navbahor" – 0:3
31.07.2001 "Navbahor" – "Surxon" – 7:1
28.04.2002 "Surxon" – "Navbahor" – 1:0
19.10.2002 "Navbahor" – "Surxon" – 1:0
14.05.2003 "Surxon" – "Navbahor" – 1:0
13.09.2003 "Navbahor" – "Surxon" – 2:1
15.03.2004 "Navbahor" – "Surxon" – 6:0
05.11.2004 "Surxon" – "Navbahor" – 0:4
21.04.2019 "Navbahor" – "Surxon" – 3:0
19.10.2019 "Surxon" – "Navbahor" – 0:0.
19.08.2020 "Surxon" – "Navbahor" – 1:1
20.11.2020 "Navbahor" – "Surxon" – 1:0
12.05.2021 "Navbahor" – "Surxon" – 2:0
03.10.2021 "Surxon" – "Navbahor" – 1:0.
10.03.2022 "Surxon" – "Navbahor" – 1:2
11.08.2022 "Navbahor" – "Surxon" – 2:0
14.05.2023 "Navbahor" – "Surxon" – 1:0
27.10.2023 "Surxon" – "Navbahor" – 1:2
31.03.2024 "Navbahor" – "Surxon" – 2:2
26.08.2024 "Surxon" – "Navbahor" – 0:1
21.04.2025 "Surxon" – "Navbahor" – 1:0
Eslatib o‘tamiz, "Navbahor" – "Surxon" jamoalari o‘rtasidagi uchrashuv 12-sentyabr kuni Namangandagi "Markaziy" stadionida soat 19:30 da start oladi.
