Argentina terma jamoasining sobiq futbolchisi Alexandro Gomes hamyurti Kristian Romeroning o‘yinidan hayratda ekanini aytdi.
"Romero - aql bovar qilmaydigan o‘yinchi, hech qachon unga o‘xshashini ko‘rmaganman. U bizni birinchi kundanoq hayratda qoldirdi. Unga hazil qilishni doim yoqtirardim. "Roma"ga qarshi o‘yin oldidan unga: "Jeko seni tiriklayin yeb qo‘yadi, hatto to‘pga tegmaysan ham," deganim esimda. U: "Ha? Ko‘ramiz. Yakunda Jekoning o‘zi to‘pga tegmadi. "Inter" bilan o‘yin oldidan Lukaku va Lautaro haqida ham shunday deganimda, Romero "Ikkisini ham yo‘q qilaman," deb javob bergandi. Ular ham to‘pga tegishmadi! Kristian har doim xarakterga ega edi va yillar davomida u futbolchi sifatida yanada yaxshilandi," - deya Gomesning so‘zlarini keltiradi AlbicelesteTalk.













