Аргентина терма жамоасининг собиқ футболчиси Алехандро Гомес ҳамюрти Кристиан Ромеронинг ўйинидан ҳайратда эканини айтди.

"Ромеро - ақл бовар қилмайдиган ўйинчи, ҳеч қачон унга ўхшашини кўрмаганман. У бизни биринчи кунданоқ ҳайратда қолдирди. Унга ҳазил қилишни доим ёқтирардим. "Рома"га қарши ўйин олдидан унга: "Жеко сени тириклайин еб қўяди, ҳатто тўпга тегмайсан ҳам," деганим эсимда. У: "Ҳа? Кўрамиз. Якунда Жеконинг ўзи тўпга тегмади. "Интер" билан ўйин олдидан Лукаку ва Лаутаро ҳақида ҳам шундай деганимда, Ромеро "Иккисини ҳам йўқ қиламан," деб жавоб берганди. Улар ҳам тўпга тегишмади! Кристиан ҳар доим характерга эга эди ва йиллар давомида у футболчи сифатида янада яхшиланди," - дея Гомеснинг сўзларини келтиради AlbicelesteTalk.