Nargiza Azimova Prezident Farmoni bilan "Sog‘lom turmush" medali bilan mukofotlandi.
O‘qituvchi va murabbiylar kuni munosabati bilan ta’lim-tarbiya tizimida alohida o‘rnak ko‘rsatgan xodimlardan bir guruhini mukofotlash to‘g‘risida O‘zbekiston Respublikasi Prezidentining Farmoni e’lon qilindi.
Mukofotlanganlar orasida O‘zbekiston qizlar terma jamoasi murabbiyi Nargiza Azimova ham bor. Murabbiyimiz bu quvonchli xabarni Indoneziyada davom etayotgan o‘smirlar o‘rtasidagi Osiyo chempionatida eshitdi.
Nargiza Azimova bir necha yildan beri Jizzax viloyati Paxtakor tumani sport maktabining dzyudo bo‘limida murabbiylik qilib kelmoqda.
