Yozda "Liverpul"ga transferi barbod bo‘lgan Angliya terma jamoasi himoyachisi Mark Gexi Londonning "Kristal Pelas" klubiga qaytdi. Bu haqda Sky Sports jurnalistlari xabar bermoqda.
Manbaga ko‘ra, futbolchi muvaffaqiyatsiz shartnomaga qaramay, yaxshi kayfiyatda. Katta ehtimol bilan himoyachi yanvar oyidagi transfer oynasida klubini o‘zgartiradi.
Mark "burgutlar" safida 2021 yilning yozidan buyon to‘p tepib kelmoqda. Angliya Premyer-ligasining joriy mavsumida Gexi uchta o‘yin o‘tkazib, bitta gol urishga muvaffaq bo‘ldi. 25 yoshli futbolchining "Kristal Pelas" bilan mehnat shartnomasi muddati kelasi yilning iyun oyi oxirigacha mo‘ljallangan. Uning bozor narxi 45 mln yevro.
