Aleksandr Isak "Nyukasl"dan "Liverpul"ga ketganidan keyin tanqidlarga uchradi. Shved ketishni shunchalik xohladiki, hatto boykot e’lon qildi va "qarg‘alar"ning harakatlaridan g‘azablandi. Isak bildirilgan tanqidlar haqida "qizillar" ustozi Arne Slot izoh berdi.
"Futbolda tanqid doim bo‘ladi. Ba’zida odamlar seni qo‘llab-quvvatlaydi, ba’zida esa aksincha. Isak "Nyukasl"ga Liga kubogini yutishda yordam berganida, hamma undan juda mamnun bo‘lgan, boshqa paytlar esa, seni tanqid qilishadi. Bu uning hayotining bir qismi, mening hayotimning bir qismi - bizning ishimizning bir qismi. Endi u bizning futbolchimiz va men bundan juda xursandman," - dedi Slot matbuot anjumanida.
