"Santos"dagilar Neymarning jismoniy holatidan mamnun. 33 yoshli futbolchi yil boshida vataniga qaytganidan ko‘p o‘tmay bir nechta jarohat olishga ulgurgandi. Iyun oyidan beri yulduz futbolchi jarohatlardan qochishga muvaffaq bo‘lmoqda - u muntazam ravishda asosiy tarkibda maydonga tushmoqda.

"Neymar ajoyib formada. Uning ahvoli yaxshilanmoqda, u barqaror rivojlanishda davom etmoqda. Biz uning jismoniy holatidan juda mamnunmiz," - deya "Santos" shifokorining so‘zlarini keltiradi The Touchline.

Neymar yanvar oyida o‘zi uchun qadrdon bo‘lgan klubga qaytdi. Iyun oyida sardor joriy yilning dekabr oyi oxirigacha mo‘ljallangan yangi shartnomaga imzo chekdi.