"Сантос"дагилар Неймарнинг жисмоний ҳолатидан мамнун. 33 ёшли футболчи йил бошида ватанига қайтганидан кўп ўтмай бир нечта жароҳат олишга улгурганди. Июнь ойидан бери юлдуз футболчи жароҳатлардан қочишга муваффақ бўлмоқда - у мунтазам равишда асосий таркибда майдонга тушмоқда.
"Неймар ажойиб формада. Унинг аҳволи яхшиланмоқда, у барқарор ривожланишда давом этмоқда. Биз унинг жисмоний ҳолатидан жуда мамнунмиз," - дея "Сантос" шифокорининг сўзларини келтиради The Touchline.
Неймар январь ойида ўзи учун қадрдон бўлган клубга қайтди. Июнь ойида сардор жорий йилнинг декабрь ойи охиригача мўлжалланган янги шартномага имзо чекди.
