"Реал" ҳужумчиси Килиан Мбаппе Мадрид клуби сафида пенальтилар билан боғлиқ ўзига хос кўрсаткич қайд этди.

Франциялик футболчи "Реал" сафида тепган 24 та пенальтидан 5 тасини голга айлантира олмаган. Шу тариқа, у клуб тарихида камида бешта пенальтидан хато қилган тўққизинчи футболчи бўлди.

Бу борада "Реал" тарихида Криштиану Роналду биринчи ўринда — португалиялик футболчи 92 та уринишдан 13 тасида муваффақиятсизликка учраган. Альфредо Ди Стефано 56 пенальтидан 12 тасини, Мичел эса 47 уринишдан 8 тасини голга айлантира олмаган.

Шунингдек, Ференц Пушкаш 38 пенальтидан 7 тасида, Луиш Фигу 37 тадан 6 тасида хато қилган. Хуанито, Пирри ва Карим Бензема ҳисобида 5 тадан амалга оширилмаган пенальти бор.

Мбаппенинг пенальтиларни амалга ошириш кўрсаткичи 79 фоизни ташкил этмоқда.