"Real" hujumchisi Kilian Mbappe Madrid klubi safida penaltilar bilan bog‘liq o‘ziga xos ko‘rsatkich qayd etdi.

Fransiyalik futbolchi "Real" safida tepgan 24 ta penaltidan 5 tasini golga aylantira olmagan. Shu tariqa, u klub tarixida kamida beshta penaltidan xato qilgan to‘qqizinchi futbolchi bo‘ldi.

Bu borada "Real" tarixida Krishtianu Ronaldu birinchi o‘rinda — portugaliyalik futbolchi 92 ta urinishdan 13 tasida muvaffaqiyatsizlikka uchragan. Alfredo Di Stefano 56 penaltidan 12 tasini, Michel esa 47 urinishdan 8 tasini golga aylantira olmagan.

Shuningdek, Ferens Pushkash 38 penaltidan 7 tasida, Luish Figu 37 tadan 6 tasida xato qilgan. Xuanito, Pirri va Karim Benzema hisobida 5 tadan amalga oshirilmagan penalti bor.

Mbappening penaltilarni amalga oshirish ko‘rsatkichi 79 foizni tashkil etmoqda.