Juma kuni bo‘lib o‘tgan matbuot anjumanida «Bavariya» klubi boshqaruv a’zosi Maks Eberldan yana bir bor uning kelajagi va klubdan ehtimoliy ketishi haqida savol berildi.
Eberl, odatdagidek, o‘zining kelajagi haqidagi gaplardan ustalik bilan qochib, hozirgi ishiga e’tibor qaratdi.
«Men bu yerda ishimni yaxshi bajarishni istayman. Bu ishni 17 yoki 18 oy oldin boshlaganman, vaziyat oson emas edi. Men bunga ishtiyoq bilan yondashaman va bu ishdan zavq olaman. O‘tgan yozda biz inson sifatida ham, mutaxassis sifatida ham ajoyib murabbiy topdik. Keyin esa navbat tarkibni o‘zgartirishga keldi. Shartnomalarni uzaytirish zarur edi. Yozda yana bir bor tarkibga o‘zgarishlar kiritdik. Yosh iste’dodlarni rivojlantirish shov-shuvga bog‘liq bo‘lmasligi kerak. Biz xarajatlarni qisqartirish va daromadlarni oshirishni boshladik. Biz buni qo‘llab-quvvatlaymiz. Yuragim shu yerda, mening katta rejalarim bor va «Bavariya» bilan muvaffaqiyatga erishishni xohlayman», — deya Eberlning so‘zlarini iMiaSanMia keltiradi.
Eberl to‘g‘ridan-to‘g‘ri savollarga javob berishdan qochdi, biroq uning ishga qaratilayotgan diqqati hozircha eng to‘g‘ri qarorga o‘xshaydi.
