Жума куни бўлиб ўтган матбуот анжуманида «Бавария» клуби бошқарув аъзоси Макс Эберлдан яна бир бор унинг келажаги ва клубдан эҳтимолий кетиши ҳақида савол берилди.
Эберл, одатдагидек, ўзининг келажаги ҳақидаги гаплардан усталик билан қочиб, ҳозирги ишига эътибор қаратди.
«Мен бу ерда ишимни яхши бажаришни истайман. Бу ишни 17 ёки 18 ой олдин бошлаганман, вазият осон эмас эди. Мен бунга иштиёқ билан ёндашаман ва бу ишдан завқ оламан. Ўтган ёзда биз инсон сифатида ҳам, мутахассис сифатида ҳам ажойиб мураббий топдик. Кейин эса навбат таркибни ўзгартиришга келди. Шартномаларни узайтириш зарур эди. Ёзда яна бир бор таркибга ўзгаришлар киритдик. Ёш истеъдодларни ривожлантириш шов-шувга боғлиқ бўлмаслиги керак. Биз харажатларни қисқартириш ва даромадларни оширишни бошладик. Биз буни қўллаб-қувватлаймиз. Юрагим шу ерда, менинг катта режаларим бор ва «Бавария» билан муваффақиятга эришишни хоҳлайман», — дея Эберлнинг сўзларини iMiaSanMia келтиради.
Эберл тўғридан-тўғри саволларга жавоб беришдан қочди, бироқ унинг ишга қаратилаётган диққати ҳозирча энг тўғри қарорга ўхшайди.
