Madridning "Real" klubi sobiq bosh murabbiyi, hozirda Braziliya terma jamoasida ishlayotgan Karlo Anchelotti Kilian Mbappe haqidagi fikrlari bilan o‘rtoqlashdi.
Fransiyalik hujumchi 2024 yilning yozida erkin agent sifatida "qaymoqranglilar" safiga qo‘shilgandi.
"Mbappe bilan shartnoma imzolash "Real" uchun ajoyib qaror bo‘ldi. Benzema ketganidan so‘ng, klub Xoseluni taklif qildi, u o‘ynaganida o‘zini zo‘r ko‘rsatdi, ammo "Real"da har doim Kilian kabi futbolchi bo‘lishi kerak. U Benzema va Butragenyo kabi klubga juda mos keladi," - deya Anchelottining so‘zlarini keltiradi Madrid Xtra.
