Мадриднинг "Реал" клуби собиқ бош мураббийи, ҳозирда Бразилия терма жамоасида ишлаётган Карло Анчелотти Килиан Мбаппе ҳақидаги фикрлари билан ўртоқлашди.
Франциялик ҳужумчи 2024 йилнинг ёзида эркин агент сифатида "қаймоқранглилар" сафига қўшилганди.
"Мбаппе билан шартнома имзолаш "Реал" учун ажойиб қарор бўлди. Бензема кетганидан сўнг, клуб Хоселуни таклиф қилди, у ўйнаганида ўзини зўр кўрсатди, аммо "Реал"да ҳар доим Килиан каби футболчи бўлиши керак. У Бензема ва Бутрагеньо каби клубга жуда мос келади," - дея Анчелоттининг сўзларини келтиради Мадрид Хтра.













