Germaniyaning "Bavariya" klubi katta ehtimol bilan 23 yoshli vinger Maykl Olise bilan shartnomani uzaytirishni rejalashtirmoqda. Bu haqda TBR Football xabar bermoqda.
Manbaning ma’lum qilishicha, klub rahbariyati Olisening xizmatlariga qiziqish bildirgan barcha tomonlarga rad javobini berish uchun shartnomani muddatidan oldin uzaytirish ustida ishlamoqchi.
"Olise hozir boshqa darajaga ko‘tarildi. U "Bavariya"ga o‘tganidan buyon juda katta qadam tashladi. Uni qo‘lga kiritish uchun ko‘p pul kerak bo‘ladi", - deydi transferlar bo‘yicha mutaxassis Grem Beyli.
Futbolchi o‘tgan mavsumni ajoyib o‘tkazdi va 55 ta o‘yinda 20 ta gol va 23 ta golli uzatmaga mualliflik qildi. Uning amaldagi shartnomasi 2029 yilda yakuniga etadi, futbolchi yiliga 13 million yevro maosh oladi.
