«Bavariya» klubi muxlislari ovoz berishi natijasida Maykl Olise avgust oyining eng yaxshi futbolchisi deb topildi. Fransiyalik vinger o‘tgan mavsumdagi yorqin o‘yinini yangi mavsumda ham muvaffaqiyatli davom ettirmoqda — o‘tgan mavsumda u klubning eng yaxshi futbolchisi sifatida tan olingan edi.
Joriy mavsumning dastlabki to‘rt rasmiy o‘yinida Olise to‘rtta gol muallifiga aylandi. U «Leypsig»ga qarshi bahsda dubl qayd etdi, Germaniya Kubogida «Veen» (Visbaden) darvozasini ishg‘ol qildi hamda «Augsburg»ga qarshi safar o‘yinidagi g‘alabaga ham o‘z hissasini qo‘shdi.
Myunxenliklar uchun muvaffaqiyatli startda Olisening hissasi katta bo‘ldi. Muxlislar ovozi natijasida u 41,2% ko‘rsatkich bilan birinchi o‘rinni egalladi. Uning ortidan Luis Dias (18,5%) va Xarri Keyn (15,9%) qayd etildi.
Shu tariqa, Maykl Olise yangi Bundesliga mavsumida oy futbolchisi mukofotiga sazovor bo‘lgan ilk futbolchiga aylandi.













