«Бавария» клуби мухлислари овоз бериши натижасида Майкл Олисе август ойининг энг яхши футболчиси деб топилди. Франциялик вингер ўтган мавсумдаги ёрқин ўйинини янги мавсумда ҳам муваффақиятли давом эттирмоқда — ўтган мавсумда у клубнинг энг яхши футболчиси сифатида тан олинган эди.

Жорий мавсумнинг дастлабки тўрт расмий ўйинида Олисе тўртта гол муаллифига айланди. У «Лейпциг»га қарши баҳсда дубль қайд этди, Германия Кубогида «Веэн» (Висбаден) дарвозасини ишғол қилди ҳамда «Аугсбург»га қарши сафар ўйинидаги ғалабага ҳам ўз ҳиссасини қўшди.

Мюнхенликлар учун муваффақиятли стартда Олисeнинг ҳиссаси катта бўлди. Мухлислар овози натижасида у 41,2% кўрсаткич билан биринчи ўринни эгаллади. Унинг ортидан Луис Диас (18,5%) ва Харри Кейн (15,9%) қайд этилди.

Шу тариқа, Майкл Олисе янги Бундеслига мавсумида ой футболчиси мукофотига сазовор бўлган илк футболчига айланди.