Bilbaoning "Atletik" klubi Chempionlar ligasiga qaytdi. Umumiy bosqichning 1-turida Ernesto Valverde jamoasi o‘z maydonida "Arsenal"ga qarshi bahs olib boradi. Basklar bosh murabbiyi bo‘lajak o‘yin haqida gapirdi.
"Musobaqa va Premyer-liga favoritlaridan biriga qarshi o‘ynaganda juda ehtiyot bo‘lish, imkoniyatlardan foydalanish va ko‘p imkoniyat bermaslik kerak. Ular katta pressingda, juda tez o‘ynashadi. Buni "Real" yoki "Barselona"ga qarshi o‘yinlarga qiyoslash mumkin", - deya Valverdening matbuot anjumanidagi so‘zlarini keltiradi UEFA sayti.
"Atletik" va "Arsenal" 16 sentyabr, seshanba kuni o‘zaro bahs olib boradi. Start hushtagini futbolchilar va muxlislar Bilbaodagi stadionda Toshkent vaqti bilan soat 21:45 da eshitishadi.
