Бильбаонинг "Атлетик" клуби Чемпионлар лигасига қайтди. Умумий босқичнинг 1-турида Эрнесто Вальверде жамоаси ўз майдонида "Арсенал"га қарши баҳс олиб боради. Басклар бош мураббийи бўлажак ўйин ҳақида гапирди.
"Мусобақа ва Премьер-лига фаворитларидан бирига қарши ўйнаганда жуда эҳтиёт бўлиш, имкониятлардан фойдаланиш ва кўп имконият бермаслик керак. Улар катта прессингда, жуда тез ўйнашади. Буни "Реал" ёки "Барселона"га қарши ўйинларга қиёслаш мумкин", - дея Вальверденинг матбуот анжуманидаги сўзларини келтиради УEФА сайти.
"Атлетик" ва "Арсенал" 16 сентябрь, сешанба куни ўзаро баҳс олиб боради. Старт ҳуштагини футболчилар ва мухлислар Бильбаодаги стадионда Тошкент вақти билан соат 21:45 да эшитишади.
