Karlo Anchelotti Tyago Silva Braziliya terma jamoasiga qaytishi mumkinligini tan oldi.
"Fluminense" himoyachisi sentyabr oyida 41 yoshga to‘ladi. U 2022 yildan beri terma jamoada o‘ynamaydi.
"Men uni yaxshi bilaman. Biz yaqinda gaplashgan edik.
Futbolchini terma jamoaga chaqirishga qaror qilar ekanman, yoshiga qaramayman. Agar Silva bu yerdagilardan yaxshiroq o‘ynasa, muammo yo‘q.
2007 yilda "Milan" bilan Chempionlar ligasida g‘alaba qozonganman, jamoa sardori Maldini 40 yoshda edi", - dedi braziliyalik bosh murabbiy.













