"Real" o‘z maydonida Chempionlar Ligasi umumiy bosqichi 1-turida "Marsel"ni mag‘lub etdi - 2:1. O‘yin Madriddagi "Santyago Bernabeu" stadionida bo‘lib o‘tdi.
Uchrashuvda hisobni mehmonlar ochdi - 22-daqiqada Meyson Grinvudning pasidan so‘ng Timoti Vea gol urdi. Mezbonlar 7 daqiqadan so‘ng javob golini kiritishdi - penaltini Kilian Mbappe aniq amalga oshirdi. O‘yin tugashiga 9 daqiqa qolganida fransiyalik hujumchi penaltidan ikkinchi golni urdi.
Avvalroq, 72-daqiqada madridliklar himoyachisi Dani Karvaxal qizil kartochka olgandi. Ispaniyalik futbolchi "Marsel" darvozaboni Xeronimo Rulining yuziga kalla qo‘ydi.
"Real" uch ochkoni qo‘lga kiritdi. Chempionlar ligasining navbatdagi turida Xabi Alonso jamoasi 30 sentyabr kuni "Qayrat" mehmoni bo‘ladi. "Marsel" shu kuni "Ayaks"ni qabul qiladi.
Real - Marsel - 2:1
16 sentyabr, 23:59, «Santyago Bernabeu»
Gollar: Vea, 22 (0:1). Mbappe, 29 - penaltidan (1:1). Mbappe, 81 - penaltidan (2:1)
Real: Kurtua, Karreras, Xeysen, Eder Militau, Aleksandr-Arnold (Karvaxal, 5), Arda Gyuler (Raul Asensio, 74), Tchuameni, Valverde, Rodrigu (Vinisius Junior, 63), Mbappe, Mastantuono (Dias, 63)
Marsel: Ruli, Emerson (Murilyo, 78), Balerdi, Medina, Pavar (Igan-Rayli, 87), Xeybyerg, Kondogbya (Vermeren, 66), Vea (Guiri, 78), O`Rayli (Payshan, 66), Grinvud, Obameyang
Ogohlantirishlar: Tchuameni, 35. Eder Militau, 54 - Pavar, 46. Medina, 75
Qizil kartochka: Karvaxal, 72
