"Реал" ўз майдонида Чемпионлар Лигаси умумий босқичи 1-турида "Марсель"ни мағлуб этди - 2:1. Ўйин Мадриддаги "Сантьяго Бернабеу" стадионида бўлиб ўтди.

Учрашувда ҳисобни меҳмонлар очди - 22-дақиқада Мэйсон Гринвуднинг пасидан сўнг Тимоти Веа гол урди. Мезбонлар 7 дақиқадан сўнг жавоб голини киритишди - пенальтини Килиан Мбаппе аниқ амалга оширди. Ўйин тугашига 9 дақиқа қолганида франциялик ҳужумчи пенальтидан иккинчи голни урди.

Аввалроқ, 72-дақиқада мадридликлар ҳимоячиси Дани Карвахаль қизил карточка олганди. Испаниялик футболчи "Марсель" дарвозабони Херонимо Рулининг юзига калла қўйди.

"Реал" уч очкони қўлга киритди. Чемпионлар лигасининг навбатдаги турида Хаби Алонсо жамоаси 30 сентябрь куни "Қайрат" меҳмони бўлади. "Марсель" шу куни "Аякс"ни қабул қилади.

Реал - Марсель - 2:1
16 сентябрь, 23:59, «Сантьяго Бернабеу»
Голлар: Веа, 22 (0:1). Мбаппе, 29 - пенальтидан (1:1). Мбаппе, 81 - пенальтидан (2:1)
Реал: Куртуа, Каррерас, Хейсен, Эдер Милитау, Александр-Арнольд (Карвахаль, 5), Арда Гюлер (Рауль Асенсио, 74), Тчуамени, Вальверде, Родригу (Винисиус Жуниор, 63), Мбаппе, Мастантуоно (Диас, 63)
Марсель: Рульи, Эмерсон (Мурильо, 78), Балерди, Медина, Павар (Иган-Райли, 87), Хейбьерг, Кондогбья (Вермерен, 66), Веа (Гуири, 78), О`Райли (Пайшан, 66), Гринвуд, Обамеянг
Огоҳлантиришлар: Тчуамени, 35. Эдер Милитау, 54 - Павар, 46. Медина, 75
Қизил карточка: Карвахаль, 72