"Arsenal" bosh murabbiyi Mikel Arteta Chempionlar Ligasida "Atletik"ka qarshi kechgan o‘yin haqida fikr bildirdi. Birinchi tur doirasidagi uchrashuv mehmonda "kanonirlar"ning 2:0 hisobidagi g‘alabasi bilan yakunlandi.
Mutaxassis Bilbaodagi stadiondagi muhit unga juda yoqqanini tan oldi. Uning fikricha, bu futbol o‘ynash uchun ajoyib joy.
"O‘yin juda og‘ir kechdi. Dastlabki 20-25 daqiqa bizga qiyin bo‘lishini bilardik. Lekin o‘yin davomida qo‘shib bordik, deb o‘ylayman. Ikkinchi bo‘limda ancha faolroq bo‘ldik va ko‘proq xavf tug‘dirdik. Va oxir-oqibat biz o‘yinda g‘alaba qozondik. Umuman olganda, men juda mamnunman," - dedi Arteta jurnalistlarga.
