"Yuventus" bosh murabbiyi Igor Tudor Chempionlar ligasi doirasida Dortmundning "Borussiya"siga qarshi o‘yindan keyin (4:4) futbolchilarni almashtirish muhimligi haqida fikr bildirdi.
Turinliklar 94 va 96-daqiqalarda kiritilgan gollar evaziga mag‘lubiyatdan qutulib qolishdi. O‘yin qahramoni Dushan Vlaxovich bo‘ldi - u ikkita gol urdi va golli uzatmani amalga oshirdi. Dushan 60-daqiqada maydonga tushgandi.
"O‘yinlar har uch kunda bo‘lib o‘tadi, hozir esa o‘yinlarni asosiy tarkibda boshlaydigan aniq belgilangan futbolchilar deyarli yo‘q.
Buni jamoaga doim takrorlayman. O‘yinlar natijasi so‘nggi 20 daqiqada hal bo‘ladi. Bugun bu yana bir bor isbotlandi.
Beshta almashtirish qilingandan keyin futbol o‘zgardi", - dedi Tudor matbuot anjumanida.
