"Qayrat" bosh murabbiyi Rafael Urazbaxtin "Real"ning Qozog‘istonga kelishi qanday shov-shuvlarga sabab bo‘lishi haqida gapirdi.
Murabbiyning so‘zlariga ko‘ra, jamoaning har bir a’zosiga atigi beshtadan chipta berilgan, chunki stadion bor-yo‘g‘i 23 ming kishini sig‘dira oladi.
"Mendagi ma’lumotlarga ko‘ra, "Real" bilan o‘yinga 140 mingga yaqin chiptaga so‘rov bo‘lgan. Ha, bu juda katta raqamlar, ammo bizda Chempionlar Ligasining barcha o‘yinlarida shunday ajiotaj bo‘ladi", - dedi Urazbaxtin.
Ma’lumot uchun, "Qayrat" - "Real" uchrashuvi 30 sentyabr kuni bo‘lib o‘tadi.
