"Қайрат" бош мураббийи Рафаэль Уразбахтин "Реал"нинг Қозоғистонга келиши қандай шов-шувларга сабаб бўлиши ҳақида гапирди.
Мураббийнинг сўзларига кўра, жамоанинг ҳар бир аъзосига атиги бештадан чипта берилган, чунки стадион бор-йўғи 23 минг кишини сиғдира олади.
"Мендаги маълумотларга кўра, "Реал" билан ўйинга 140 мингга яқин чиптага сўров бўлган. Ҳа, бу жуда катта рақамлар, аммо бизда Чемпионлар Лигасининг барча ўйинларида шундай ажиотаж бўлади", - деди Уразбахтин.
Маълумот учун, "Қайрат" - "Реал" учрашуви 30 сентябрь куни бўлиб ўтади.













