Abbosbek Fayzullayevning birinchi murabbiyi Dmitriy An futbolchining «Istanbul Bashakshehir»ga o‘tganidan so‘ng yangi jamoaga moslashuvi haqida fikr bildirdi.
«Abbos hozir turk futboliga moslashish jarayonda. Shu bilan birga klubga yangi murabbiy — Nuri Shahin ham keldi. Rostini aytsam, men uning to‘liq moslashib, asosiy tarkibda maydonga tushishini kutayapman.
Menimcha, Abbosga uning uchun katta summa to‘langani va «Bashakshehir»ning eng ko‘p maosh oladigan futbolchilaridan biri ekani biroz bosim o‘tkazayotgandek. Lekin u aqlli yigit, unga biroz vaqt kerak, hammasi yaxshi bo‘ladi», — dedi An «Chempionat» muxbiri Vladislav Kruglov bilan suhbatda.













