Chempionlar ligasi doirasidagi "Liverpul" - "Atletiko" uchrashuvida himoyachi Endryu Robertson tasodifiy gol urdi. Muhammad Salohning jarimadan yo‘llagan zarbasidan keyin to‘p Robertsonga tegib, darvozaga borib tushdi. O‘yindan so‘ng shotlandiyalik futbolchi ushbu goli uchun kalendar yil yakunlari bo‘yicha eng yaxshi gol muallifi sifatida mukofotga loyiq ekanini aytib hazillashdi.
"Men shunchaki darvozabon zarba berilgan vaziyatni ko‘rmasligi uchun uni to‘sishga harakat qildim. Bu ajoyib zarba, menga Pushkash mukofotini bering! Bu juda yaxshi start edi. Yaxshiyamki, to‘p darvozaga kirdi," - dedi Robertson.













