Чемпионлар лигаси доирасидаги "Ливерпуль" - "Атлетико" учрашувида ҳимоячи Эндрю Робертсон тасодифий гол урди. Муҳаммад Салоҳнинг жаримадан йўллаган зарбасидан кейин тўп Робертсонга тегиб, дарвозага бориб тушди. Ўйиндан сўнг шотландиялик футболчи ушбу голи учун календарь йил якунлари бўйича энг яхши гол муаллифи сифатида мукофотга лойиқ эканини айтиб ҳазиллашди.
"Мен шунчаки дарвозабон зарба берилган вазиятни кўрмаслиги учун уни тўсишга ҳаракат қилдим. Бу ажойиб зарба, менга Пушкаш мукофотини беринг! Бу жуда яхши старт эди. Яхшиямки, тўп дарвозага кирди," - деди Робертсон.
