"Yuventus" hujumchisi Dushan Vlaxovich Yevropaning yetakchi klublarida qiziqish uyg‘otmoqda.
Insayder Nikolo Skiraning ta’kidlashicha, agar Vlaxovich "Yuventus" bilan mehnat shartnomasini uzaytirmasa va klubni erkin agent sifatida tark etsa, "Milan", "Inter" va "Barselona" uning uchun faoliyatini davom ettirishning eng ehtimoliy variantlaridir. Hujumchining turinliklar bilan shartnomasi kelasi yozda o‘z nihoyasiga yetadi.
Avvalroq, "Barselona" Serbiya terma jamoasining 25 yoshli hujumchisini o‘z safiga chorlashi mumkinligi haqida xabarlar tarqalgan edi.
Yangi mavsumda Vlaxovich A Seriya va Chempionlar Ligasining to‘rtta o‘yinida to‘rtta gol urdi. Bundan tashqari, futbolchining hisobida bitta assist mavjud.













