"Liverpul" jamoasi bosh murabbiyi Arne Slot juma kungi matbuot anjumanida futboldagi natijalarning ahamiyati haqida gapirdi.
"Futbolda hamma faqat natijalar haqida o‘ylaydi. Agar bizda natija bo‘lmasa, bu yerda boshqa odam o‘tiradi. Futbol shunday tuzilgan. O‘yinlarda g‘alaba qozonish yaxshi, lekin har doim nimanidir yaxshilash mumkin. Murabbiy sifatida yutqazayotganda, ijobiy jihatlarni ta’kidlash kerak. G‘alabalardan keyin ham ijobiy jihatlarni ta’kidlash kerak, lekin nimani yaxshilash kerakligi haqida ham gapirish kerak. Menga ko‘proq g‘alaba qozonish va rivojlanish mumkin bo‘lgan narsalarni ko‘rsatish yoqadi," - dedi Slot jurnalistlarga.
