"Liverpul" o‘z maydonida APL 5-turidan o‘rin olgan bahsda "Everton"ni mag‘lub etdi - 2:1.
Uchrashuvning 10-daqiqasida mezbonlar yarim himoyachisi Rayan Gravenberx hisobni ochdi. 29-daqiqada Ugo Ekitike Gravenberxning uzatmasidan keyin Arne Slot jamoasining ikkinchi goliga mualliflik qildi. 58-daqiqada mehmonlar Idrissa Geyening goli evaziga oradagi farqni qisqartirishdi.
"Liverpul" (15) mavsum startidagi beshinchi g‘alabasini qo‘lga kiritdi va APLda yakka peshqadamlikni davom ettirmoqda. "Everton" (7) esa turnir jadvalida yettinchi o‘ringa tushib ketdi.
Angliya chempionati, 5-tur
Liverpul - Everton - 2:1
20 sentyabr, 16:30, «Enfild»
Gollar: Gravenberx, 10 (1:0). Ekitike, 29 (2:0). Geye, 58 (2:1)
Liverpul: Alisson, Kerkez, van Deyk, Konate, Bredli, Makallister (Djons, 61), Gravenberx, Gakpo (Virs, 61), Soboslai, Saloh, Ekitike (Isak, 67)
Everton: Pikford, Mikolenko (Alkaras, 86), Kin, Tarkovski, O`Brayen, Garner, Geye, Grilish, Dyusberi-Xoll, Ndiay (Dibling, 86), Betu (Barri, 46)
Ogohlantirishlar: Soboslai, 69. Virs, 82 - Ndiay, 28. Dyusberi-Xoll, 78
