Fransiyalik darvozabon Mayk Menyan anchadan beri o‘z darajasiga mosroq klub qidirmoqda. "Milan" rahbariyati u bilan shartnomani uzaytirish borasida kelisha olmayapti va bu mavsum uning uchun bu klubdagi oxirgisi bo‘lishi ehtimoli kun sain ortib bormoqda.
Menyanni almashtirishi mumkin bo‘lgan darvozabon qidirilmoqda va bu fransiyalik boshqa darvozabon - hozirda "Tuluza"da o‘ynayotgan Giyom Rest bo‘lishi mumkin. Klub rahbariyati 20 yoshli posbonning ehtimoliy transfer shartlari bo‘yicha uning atrofidagilar bilan muloqotga kirishgan. Rest "Tuluza" tarbiyalanuvchisi hisoblanadi va uning uchun uchinchi mavsumni o‘tkazmoqda.
