Франциялик дарвозабон Майк Меньян анчадан бери ўз даражасига мосроқ клуб қидирмоқда. "Милан" раҳбарияти у билан шартномани узайтириш борасида келиша олмаяпти ва бу мавсум унинг учун бу клубдаги охиргиси бўлиши эҳтимоли кун саин ортиб бормоқда.

Меньянни алмаштириши мумкин бўлган дарвозабон қидирилмоқда ва бу франциялик бошқа дарвозабон - ҳозирда "Тулуза"да ўйнаётган Гийом Рест бўлиши мумкин. Клуб раҳбарияти 20 ёшли посбоннинг эҳтимолий трансфер шартлари бўйича унинг атрофидагилар билан мулоқотга киришган. Рест "Тулуза" тарбияланувчиси ҳисобланади ва унинг учун учинчи мавсумни ўтказмоқда.